Dilemma kbira. Jitlaq jew ma jitlaqx? Żgur li din hi l-mistoqsija li bħalissa l-attakkant internazzjonali Taljan Federico Chiesa qed jikkunsidra u jikkontempla fil-kwiet.
Hekk kif il-plejer għandu diversi offerti prattikament mid-dinja kollha, hu qed jaħsibha jistenniex tmiem il-kuntratt tal-kowċ Massimiliano Allegri bit-tama li fl-istaġun ta’ wara jkun il-protagonist ta’ La Vecchia Signora.
Hu fatt magħruf li Chiesa u l-kowċ Allegri ma tantx jaraw għajn m’għajn u għalhekk wieħed irid jara x’se jiġri fil-jiem li ġejjin meta i Bianconeri jerġgħu jibdew it-taħriġ tagħhom.
