Mhux żmien li nirrilassaw!
Fl-aħħar aġġornament imwassal mill-Professur u Supretendent tas-Saħħa Pubblika Charmain Gauci, lbieraħ minn 972 swabs, ħarġu 4 każi pożittivi għall-pandemija COVID-19.
L-ewwel każ huwa ta’ raġel Taljan ta’ 34 sena fejn beda bis-sintomi ta’ sogħla u deni fl-14 ta’ April. Huwa kellu kuntatt ma’ persuna oħra li joqgħod miegħu. Dan tal-aħħar kien ukoll instab pożittiv għall-COVID-19.
It-tliet każijiet l-oħra huma ta’ immigranti li jinsabu fl-Open Centre ta’ Ħal Far fi kwarantina obbligatorja. Dawn it-tliet każijiet huma kollha rġiel. It-total f’dan iċ-ċnetru issa tela’ għal 35 persuna.
Il-Profs Gauci enfasizzat biex kulħadd jibqa’ d-dar u ma nirrilassawx anke jekk in-numri ikunu baxxi.
