Għall-elezzjoni presidenzjali ta’ Novembru li ġej fl-Istati Uniti, ddikjara li ma jikkontestax l-elezzjoni ta’ erba snin oħra jekk jerġa jiġi megħlub fl-elezzjoni tal-5 ta’ Novembu 2024.
Trump, li se jkun l-ixjeħ persuna li qatt ikkontesta elezzjoni għal president tal-Istati Uniti, kkontesta l-aħħar tliet elezzjonijiet nazzjonali konsekuttivi u biddel ħafna l-partit republikan f’dawn l-aħħar tmien snin.
F’intervista ma’ Sinclair Media Group, Trump kien mistoqsi jekk jistax jipprevedi li jikkontesta elezzjoni oħra fil-każ li jitlef kontra l-Viċi President Demokratiku Kamala Harris. Huwa qal li le filwaqt li żied jgħid li kien jittamaw li jkollu suċċess kbir fl-elezzjoni li jmiss.
Il-liġi tal-Istati Uniti tipprojbixxi lill-presidenti milli jaqdu aktar minn żewġ mandati, u għalhekk Trump ma jkunx mistenni li joħroġ fl-2028 lanqas jekk jirbaħ.
Fil-passat, il-biljunarju tal-proprjetà rari rrikonoxxa l-possibbiltà li jitlef l-elezzjoni, u aktar spiss kien jispira lill-partitarji tiegħu b’diskorsi u kummenti fuq il-midja soċjali li fihom iwiegħed rebħa elettorali kważi ċerta. Iżda din hija t-tieni darba f’erbat ijiem li semma ċans ta’ telfa.
Waqt avveniment li sar mill-Kunsill Iżraeljan-Amerikan nhar il-Ħamis, huwa qajjem il-possibilta ta’ telfa fl-elezzjoni u qal li kwalunkwe telfa bħal din tkun parzjalment tort tal-votanti Lhud.
Dawn il-kummenti ta’ Trump ġew ikkundannati mmedjatament mill-kampanja ta’ Kamala Harris u mill-Kumitat mhux partiġġjan Lhudi Amerikan u mil-Lega Kontra l-Malafama.
Ir-rikonoxximenti ta’ Trump dwar telfa possibbli jistgħu jirriflettu kif il-prospetti tal-Partit Demokratiku nbidlu sew minn meta Harris saret in-nomina uffiċjali tal-partit wara d-deċiżjoni tal-President Joe Biden li jieqaf mit-tellieqa.
Il-kampanja Harris ġabret aktar minn $190 miljun f’Awwissu, meta mqabbla ma’ $130 miljun miġbura mill-kampanja Trump u organizzazzjonijiet affiljati.
Sondaġġi tal-opinjoni pubblika spiss jagħtu riżultati li Kamala Harris tgawdi vantaġġ fuq Trump, tant li stħarriġ maħruġ nhar il-Ħadd minn CBS juri li għandha vantaġġ ta’ 52% għal 48% fuq Trump fuq livell nazzjonali.
Fl-istati ewlenin li huma meqjusa bħala l-kamp tal-battalja tal-Istati Uniti, jidhru li ser ikunu deċiżivi għar-riżultat ġenerali, fejn Harris issa għandha vantaġġ irqieq ta’ 51% għal 49%, li huwa titjib żgħir fuq stħarriġ simili li sar ix-xahar li għadda minn CBS ukoll.
Stħarriġ ieħor maħruġ il-Ħadd minn NBC juri lil Harris b’vantaġġ ta’ ħames punti perċentwali fuq Trump madwar l-Istati Uniti kollha.
Sab ukoll li 48% tal-votanti reġistrati jaraw lil Harris b知od pożħadda. Iżda bħal kull stħarriġ ieħor, l-istħarriġ tal-NBC wera li Trump kellu vantaġġ ċar mal-votanti fuq xi wħud mill-akbar kwistjonijiet tal-elezzjoni, fosthom l-ekonomija, l-għoli tal-ħajja u l-immigrazzjoni.