“Ejjew ngħożżu l-ħajja” – l-Isqof Galea-Curmi waqt quddiesa b’tifkira tal-vittmi tat-traffiku

Aqra wkoll

Il-Ħadd filgħodu, fil-kappella tal-Isptar Mater Dei, saret quddiesa b’tifkira tal-vittmi tal-inċidenti tat-traffiku, immexxija mill-Isqof Awżiljarju Joseph Galea-Curmi.

Din kienet l-ewwel quddiesa organizzata minn Doctors for Road Safety, li għaliha kienu mistiedna qraba u ħbieb ta’ persuni li tilfu ħajjithom fit-toroq Maltin.

Fl-omelija tiegħu, l-Isqof saħaq li l-inċidenti tat-traffiku mhumiex sempliċement statistika, iżda wara kull numru hemm bniedem, familja mnikkta u komunità li ġġarrab it-telfa.

Huwa appella għal aktar responsabbiltà fis-sewqan, edukazzjoni dwar is-sigurtà fit-toroq, infrastruttura aktar sigura u infurzar tar-regolamenti tat-traffiku.

“Kull darba li nsuqu b’attenzjoni u responsabbiltà, inkunu qed nagħmlu l-għażla favur il-ħajja,” sostna l-Isqof Galea-Curmi.

LEAVE A REPLY

Please enter your comment!
Please enter your name here

Sport