Franza qiegħda tesperjenza ġranet mhux normali hekk kif is-sħana li qiegħda tagħmel hija waħda qawwija ħafna tant li nofs il-pajjiż għadu taħt twissija ħamra.
Fil-Punent ta’ Brittany eluf kbar ta’ familji spiċċaw mingħajr elettriku minħabba li l-provista ma bdietx tlaħħaq mad-domanda filwaqt li fir-reġun ta’ Maine-et-Loire pumpiera għamlu sigħat twal jipprovaw jikkontrollaw nirien li ħakmu foresta.
Intant fl-Olanda nħarġet twissija oranġja minħabba s-sħana fejn anke l-awtoritajiet tas-saħħa ħarġu avviżi biex kemm jista’ jkun ħadd ma joħroġ mid-dar.
Tmiem il-ġimgħa li ġej mistenni jkun diffiċli wkoll għal Belġjum u l-Ġermanja fejn it-temperatura mistennija tilħaq l-40C.
Imbagħad matul il-jiem ta’ wara din il-mewġa ta’ sħana mistennija li timxi lejn il-Polonja, il-Kroazja u anke l-Ungerija fejn hemm ukoll l-awtoritajiet mistennija li joħorġu diversi avviżi.