Fil-Premier League Ingliż, il-leaders Liverpool marru għand Nottingham Forest, li jinsabu fit-tieni post tal-klassifika, u spiċċaw fi draw ta’ 1-1 liema riżultat ikkuntenta l-aktar lil Liverpool hekk kif żammew is-sitt punti vantaġġ f’ras il-klassifika meta jridu wkoll jirkupraw partita (kontra Everton).
Nottm F. v Liverpool – Nottingham Forest u Liverpool temmew fi draw ta’ 1-1. Il-Forest fetħu l-iskor fit-tmien minuta meta Chris Woods ikkonkluda wara azzjoni bejn Callum Hudson-Odoi u Anthony Elanga.
Iżda fit-tieni taqsima Liverpool tjiebu ferm u xeħtu lill-avversarji jipprovaw jassorbu l-pressjoni tagħhom li kien moħħhom l-aktar kif se jaħlu l-ħin milli jilagħbu.
Ġustament ir-Reds kisbu d-draw minn daqqa ta’ ras tas-sostitut Diogo Jota minn azzjoni ta’ corner hekk kif kien ilu biss fil-ground 10 sekondi.
Brentford v Man City – Manchester City marru Londra għand Brentford u spiċċaw fi draw ta’ 2-2. Is-City fetħu vantaġġ doppju minn Phil Foden (66, 78) iżda l-Bees għamlu rimonta minn Yoane Wissa (82) u Christian Norgaard (94).
Chelsea v Bournemouth – F’darhom Chelsea salvaw il-partita fil-ħin miżjud minn Reece James (94) biex temmew fi draw ta’ 2-2 kontra Bournemouth.
Kien Cole Palmer li fetaħ l-iskor għal Chelsea fit-13-il minuta iżda Bournemouth kisbu d-draw minn penalty skorjat minn Justin Kluivert (50) u Atoine Semenyo (68) tefagħhom fil-vantaġġ b’mod temporanju.
West Ham v Fulham – West Ham laqgħu lil Fulham u għelbuhom bl-iskor ta’ 3-2.
L-iskorers tal-Hammers kienu Carlos Soler (31), Tomas Soucek (33) u Lucas Paqueta (67) filwaqt li Raul Jimenez (51) u Alex Iwobi (78) wieġbu għall-Cottagers.
