Hekk kif Everton ġew penalizzati 10 punti mill-Premier League Ingliż wara li kisru r-regolamenti tal-fair play finanzjarju, il-klabb irid jerġa’ jgħaddi minn skrutinju doppju f’Diċembru u f’Marzu li ġej sabiex l-awtoritajiet Ingliżi jaraw li l-kontijiet tagħhom ikunu skont il-liġi.
Fil-fatt, The Toffees iridu jippreżentaw l-ewwel dokumenti sal-aħħar tas-sena sabiex tliet xhur wara huma jkunu jafu jekk kollox hux qed jimxi ma’ dak li suppost qed isir.
Ġaladarba jinstabu xi kontijiet suspettużi, Everton jistgħu jkomplu jonqsulhom iktar punti.
