Seba’ snin mill-qtil ta Lassana Cisse, nhar it-Tnejn 19 ta’ Ottubru se jibda l-ġuri fejn fih Lorin Scicluna jinsab mixli b’dan il-qtil.
Il-Qorti fl-aħħar sigħat ordnat li tinħareġ notifika lill-Avukat Ġenerali u anke lill-akkużat b’din id-data.
Scicluna jinsab akkużat bil-qtil ta’ Cisse, ħaddiem immigrant u missier ta’ żewġt itfal li kien jgħix fiċ-Ċentru miftuħ ta’ Ħal Far. Cisse hu mill-Kosta tal-Ivorju.
Il-vittma nqatel wara li allegatament Scicluna beda jispara tiri ta’ arma tan-nar fuq 3 persuni. Cisse flimkien ma’ Ibrahim Bah u Mohammed Jallow kienu mexjin lejn iċ-Ċentru Miftuħ wara li kienu segwew logħba football f’Birżebbuġa.
Iż-żewġ persuni li kienu mal-vittma wkoll kienu sofrew xi ġrieħi.
Wara l-qtil, żewġ suldati tal-Forzi Armati ta’ Malta li dakinhar tal-każ ma kienux xogħol ġew arrestati.
