Floriana …….…2
Hibernians ……0
Minn Cristian Muscat
Floriana għelbu lil Hibernians bl-iskor ta’ 2-0 permezz ta’ żewġ penalties biex żammew il-pass mal-leaders Birkirkara.
Appena għaddiet minuta, Floriana heddew u minn azzjoni ta’ free-kick ta’ Jake Grech, it-tentattiv ta’ Carlo Zammit Lonardelli ntemm għoli.
Sitt minuti wara, il-Greens kellhom ferha bla temma meta Jake Grech rega’ serva lil Zammit Lonardelli li mill-viċin tefa’ ġewwa iżda l-goal tħassar minħabba sensalazzjoni ta’ pożizzjoni ta’ offside.
Fit-22 minuta, il-Furjaniżi reġa’ kellhom goal imħassar skorjat minn Franklin Sasere minħabba pożizzjoni ta’ offside oħra.
Madankollu, fl-34 minuta, Floriana ngħataw penalty meta l-goalkeeper, Hugo Sacco, kellu ħarġa avventuruża fuq Sasere u laqtu f’wiċċu.
Mill-11-il metru, inkariga ruħu l-istess FRANKLIN SASERE li spara l-ballun fis-saqaf tax-xibka.
Hibernians wieġbu għall- ewwel darba, fis-36 minuta, meta Jurgen Degabriele kellu xutt minn pożizzjoni ideali li ntemm ftit għoli.
L-azzjoni sussegwenti denja ta’ nota waslet biss fil-65 minuta meta Zammit Lonardelli venven xutt minn barra l-kaxxa li Sacco salva.
Fis-70 minuta, kienu Hibernians li heddew iżda d-daqqa ta’ ras ta’ Jurgen Degabriele ġiet salva mill-goalkeeper, Christoffer Mafoumbi.
Minuta wara, l-istess player seta’ għamel aħjar meta minn taħt il-lasti laqat il-ballun ħażin u xeħet għoli.
Floriana rrispondew fis-86 minuta meta Grech għadda tajjeb lejn Mattia Veselji li iżda minn pożizzjoni ideali tefa’ barra.
Fid-90 minuta huma rebħu penalty ieħor meta Sacco waqqa’ lil Veselji fil-kaxxa u tkeċċa wara li ntwera t-tieni karta safra. Bejn il-lasti daħal Bjorn Kristensen minħabba li s-sosituzzjonijiet kienu diġá saru kollha … u mill-11-il metru JAKE GRECH b’xutt fil-baxx ma żbaljax.
FLORIANA: 45-Christoffer Mafumbi, 4-Oualid El Hasni, 8-Jake Grech, 11-Thiaguinho (22-Kyrian Nwoko 46), 12-Dunstan Vella, 20-Matias Nicolas Garcia, 21-Carlo Zammit Lonardelli, 27-Franklin Sasere (70-Fernando De Araujo 46), 55-Alexandros Kouro, 79-Guy Serge Yameogo, 97-Emerson Santos De Souza (7-Mattia Veselji 82) – Coach: Darren Abdilla
HIBERNIANS: 30-Hugo Sacco, 2-Kleiton (29-Giannis Bastianos 65), 5-Kurt Shaw (17-Isaiah Chukunyere 86), 7-Ayrton Attard (6-Lucas Caruana 73), 9-Natha Felicio 10-Carvalho, 10-Jurgen Degabriele, 11-Bjorn Kristensen, 14-Dexter Xuereb (4-Alfred Silas 65), 21-Alex Bruno De Souza Silva (20-Federico Falcone 74), 44-Pedro Henrique Nunes Silva, 99-Gabriel Higor Fernandes – Coach: Branko Nisevic
REFEREE: Malcolm Spiteri
ASS. REFEREES: James Muscat, Paul Apap
RABA’ UFF: Daniel Portelli
SKORERS: F. Sasere pen. 35, J. Grech pen. 90 (F)
AMMONITI: G. S. Yameogo, M. N. Garcia (F), H. Sacco (2), P. H. Nunes Silva, G. Bastianos, N. F. Carvalho (H)
TKEĊĊA: H. Sacco 90 (H)