Hekk kif għaddew madwar tlett ijiem mit-tkeċċija ta’ Paulo Fonseca minn kowċ ta’ AC Milan, sa fl-aħħar eks-plejers minn tiegħu esprimew id-dieqa tagħhom speċjalment li waslet din it-tneħħija li għal ħafna kienet ħabta u sabta.
Fuq il-midja soċjali tkellem il-plejer ta’ nofs il-grawnd Franċiż Youssouf Fofana li f’messaġġ li għamel fuq il-midja soċjali faħħar il-kwalitajiet ta’ Fonseca u fakkar li kien proprju hu li riedu ma’ AC Milan. Hu esprima d-dieqa tiegħu għad-deċiżjoni li ħa l-klabb u sostna li m’għandux kliem biex jirringrazzjah tal-fiduċja li dejjem kellu lejh.
