Il-President Franċiż Emmanuel Macron u l-Prim Ministru Kanadiż Mark Carney qalu li huma se jibqgħu jagħtu l-appoġġ tagħhom lill-Ukranja.
Il-Prim Ministru Kanadiż għamel żjara fil-kapitali Franċiża ftit tal-jiem wara li ħa t-tmexxija tal-pajjiż f’idejh. Hu mistenni li jkollu laqgħat ukoll mal-Prim Ministru Ingliż.
Waqt kofnerenza tal-aħbarijiet, Macron u Carney qal li ż-żewġ pajjiżi huma “forzi tal-paċi”, filwaqt li l-President Franċiż faħħar lill-Kanada li mill-bidu tal-gwerra qatt ma bidlet il-pożizzjoni tagħha dwar l-Ukranja.
