Il-president tal-FIFA, Gianni Infantino, jgħid li hemm bżonn ta’ “ħafna aktar” football wara li reġa’ jiġi elett sal-2027.
Il-korp governattiv tal- football dinji din il-ġimgħa ħabbar Tazza tad-Dinja tal-2026 estiża u żvela Tazza tad-Dinja tal-Clubs ġdida bi 32 team.
Iżda l-espansjoni tal-kalendarju tal-football ġiet ikkritikata mill-għaqdiet tal- players u La Liga.
“Meta nisma’ li hemm wisq football, iva, forsi f’xi postijiet, iżda mhux kullimkien,” qal Infantino.
“Fil-fatt, f’ħafna nħawi tad-dinja ma hemmx biżżejjed football milgħub.
“Għandna bżonn ħafna aktar u mhux inqas kompetizzjonijiet, irridu li l-football jiżviluppa madwar id- dinja.
“Qed niddiskutu l-organizzazzjoni ta’ Tazza tad- Dinja tal-Clubs tan-Nisa u FIFA World Series f’Marzu kull sentejn, meta t-timijiet ikunu ħielsa milli jilagħbu kwalifikazzjonijiet.”
Infantino, li ġie elett mill-ġdid fit-73 Kungress tal-FIFA f’Kigali, ir-Rwanda lbieraħ, iddiskuta wkoll il-possibbiltà li jiddaħħal limitu fis-salarju fil-football. “Irridu ntejbu r-regolamenti tagħna u l-istatuti tal-FIFA,” huwa qal.
“Se nkomplu nevolvu l-prinċipji tagħna ta’ governanza tajba u nħarsu lejn is-sistema tat-trasferimenti, u forsi jkollna diskussjoni biex intejbu t-trasparenza tat-tariffi u s-salarji tat-trasferimenti.
Meta tkellem dwar il- logħba tan-nisa fir-rimarki tal-għeluq tiegħu, Infantino qal: “Il-missjoni tagħna se tkun tista’ li jkollna ugwaljanza fil-pagamenti għat-Tazza tad-Dinja tal-irġiel tal-2026 u tan-nisa tal-2027,” qal Infantino.
Infantino, 52 sena, ħa post laħaq Sepp Blatter bħala President tal-FIFA fl-2016, żamm ir-rwol fl-2019 u reġa’ ġie elett mingħajr oppożizzjoni għal mandat ieħor ta’ erba’ snin.
“Huwa unur u privileġġ inkredibbli, u responsabbiltà kbira,” qal Infantino wara l-elezzjoni mill-ġdid tiegħu.
“Inwiegħed li nkompli nservi lill-FIFA u lill-football madwar id-dinja.
“Lil dawk li jħobbuni, u naf li hemm ħafna, u dawk li jobogħduni … inħobbkom ilkoll.”
