Id-direttur sportiv ta’ Juventus Cristiano Giuntoli ħabbar li l-klabb qed jesplora l-possibbilta’ li jakkwista s-servizzi tal-eks plejer ta’ Bologna Joshua Zirkzee. Dan tal-aħħar mhux qed jilgħab b’mod regolari ma’ Manchester United tant li hu stess irid ibiddel il-klabb u jibda avventura ġdida x’imkien ieħor.
Giuntoli qal li Zirkzee jista’ joffri alternattiva oħra fl-attakk filwaqt li kkonferma wkoll li l-iskorer prolifiku Arkadiusz Milik se jirritorna f’Jannar sabiex iżid aktar possibbiltajiet fid-dipartiment offensiv tal-klabb.
