Il-captain ta’ Sunderland Granit Xhaka ingħata multa sospiża ta’ £136,265 wara li ammetta li ffalsifika ċertifikat tat-tilqima kontra l-Covid-19.
Il-piena tikkonsisti f’50 rata ta’ kuljum ta’ £2,725, iżda mhux se tiġi infurzata jekk Xhaka ma jwettaqx reat ieħor matul perjodu ta’ prova ta’ sentejn.
Il-player Svizzeru ta’ 34 sena qal li jaċċetta d-deċiżjoni u jerfa’ r-responsabbiltà għall-azzjonijiet tiegħu.
L-inċident imur lura għall-2022, meta kien jilgħab ma’ Arsenal. Xhaka kien ammetta li kellu “nuqqas ta’ fiduċja profond” u “riżervi serji” dwar it-tilqima.
L-Uffiċċju tal-Prosekutur Pubbliku ta’ Lucerna kkonferma l-penali, iżda qal li ma setax jagħti aktar dettalji.
