“Grazzi kbira ta’ kemm iġġilidt għal ħajtek biex tibqa’ magħna u grazzi talli tibqa’ tiġġieled kuljum biex tkun aħjar mill-bieraħ.”
Hekk qalet bint is-Surġent Simon Schembri hekk kif illum huwa qed jiċċelebra għeluq sninu.
Fl-2018 Is-Surġent Schembri kien involut f’inċident kważi fatali waqt il-qadi ta’ dmirijietu li ħallih b’danni fiżiċi serji u b’diżabilità permanenti. Schembri tilef idejh tal-lemin f’dan l-inċident wara li kien ipprova jwaqqaf lil Liam Debono ta’ 17-il sena li allegatament kien qed isuq Mercedes mingħajr liċenzja u seat belt.
Għal ħafna, Schembri huwa tassew bniedem ta’ ispirazzjoni kbira.
F’intervista preċedenti, Schembri qal li għandu motivazzjoni kbira għax iħares lejn il-ħajja fil-pożittiv għax fi kliemu l-ħajja hija sabiħa wisq.
Fl-okkażjoni ta’ għeluq sninu, bintu Leah Schembri awguratlu ġurnata sabiħa kif tassew jixraqlu. “Ma nixba qatt ngħidlek grazzi ta’ dak kollu li tagħmel miegħi u ta’ kemm tiehu ħsiebi. Int l-ispirazzjoni tiegħi u l-imħabba tiegħi li ma tista’ titlaq qatt! Inħobbok għal dejjem.”
