Gzira United FC ħabbru l-akkwist ta’ Filipe Bartolomeu Maio b’kuntratt ta’ sena.
Id-difensur xellugi Portugiż ta’ 27 sena jingħaqad mal-Maroons wara li kiseb esperjenza siewja fil-piramida tal-futbol Portugiż. Matul il-karriera tiegħu, Filipe rrappreżenta klabbs inklużi Cova da Piedade, Oliveirense, São João de Ver, Amora FC, Sporting Covilhã u aktar riċentement Sanjoanense.
Huwa qatta’ wkoll parti mill-iżvilupp tiegħu fis-sistema tal-youths mal-akkademji ta’ Sporting CP, Vitória Guimarães u Boavista.
Difensur dinamiku b’sieq xellugija qawwija, Filipe jġib miegħu kwalità, versatilità u esperjenza biex isaħħaħ l-iskwadra ta’ Gzira qabel l-istaġun 2026/27.
Gzira United awguraw kull suċċess lil Filipe bil-flokk tal-Maroons.