Gzira United ….2
Balzan………….1
Minn Cristian Muscat
F’konfront li ħa l-ħajja fit-tieni taqsima, Gzira United irritornaw għar-rebħ meta għelbu lil Balzan bl-iskor ta’ 2-1, biex komplew ikabbru l-problemi għall-istess Balzanin.
Din ir-rebħa tista’ titqies bħala waħda iktar rimarkabbli għall-Maroons hekk kif lagħbu għal iktar minn taqsima sħiħa bi player inqas.
Kienu Balzan li ħolqu l-ewwel periklu fit-18-il minuta meta wara li rċieva minn cross mix-xellug, Dimeji Awosanja kellu t-tentattiv tiegħu minn taħt il-lasti salvat b’diffikultá mill-goalkeeper veteran Justin Haber.
Gzira wieġbu żewġ minuti biss wara u kienu sfortunati li ma fetħux l-iskor meta l-Brażiljan, Gabriel Bohrer Mentz, kellu xutt mid-distanza li stampa mal-wieqfa, b’Balzan jeħilsuha ħafif.
Fis-37 minuta, il-Maroons qalgħu daqqa ta’ ħarta hekk kif spiċċaw jilagħbu b’10 players meta tkeċċa Marcelo Dias permezz ta’ karta ħamra diretta wara li deher jimbotta u jolqot f’wiċċu player avversarju.
Fit-tieni taqsima Balzan ħarġu aggressivi u fid-49 minuta minn taħt il-lasti, Alexander Ayo Akpan ħareġ l-aħjar ta’ Haber li dawwar f’corner.
Gzira wieġbu fid-69 minuta meta daqqa ta’ ras ta’ Luis Carlos Riascos irriżultat bħala waħda fraġli u nieqsa mill-preċiżjoni biex intemmet ftit barra.
Iżda, fil-71 minuta, kienu Balzan li fetħu l-iskor permezz ta’ ġmiel ta’ xutt mid-distanza ta’ JAN BUSUTTIL li ma ta l-ebda ċans lil Haber isalva.
Madankollu Balzan bilkemm kellhom ċans jifirħu b’dan il-goal li Gzira ma ġabux l-iskor indaqs erba’ minuti biss wara permezz ta’ goal ieħor mill-isbaħ mid-distanza din id-darba ta’ FAYSAL HASSANY CHOUHAB li ħasad għal kollox lill-goalkeeper Dylan Ciappara.
Huma komplew jippressaw u fit-80 minuta, kienu sfortunati li ma qalbux l-iskor favurihom meta Thiago Espindola kellu tentattiv minn free-kick mid-distanza jistampa mal-wieqfa.
Iżda żewġ minuti biss wara, Gzira skorjaw il-goal tar-rebħa permezz ta’ xutt minn barra l-kaxxa ta’ THAYLOR ALDAMA.
GZIRA U.: 16-Justin Haber, 3-Gabriel Bohrer Mentz, 7-Thaylor Aldama, 8-Zachary Scerri, 9-Marcelo Dias, 11-Faysal Hassany Chouhab, 14-Luis Carlos Riascos, 17-Jurgen Pisani, 19-Manuel De Filippis (15-Izaak Ellul 86), 20-Alex Da Paixao Alves (22-Henrique De Santana 42), 93-Thiago Espindola – Coach: Giovanni Tedesco
BALZAN: 1-Dylan Ciappara, 5-Samir Arab, 7-Triston Caruana, Nicholas Pulis, 10-Jan Busuttil, 14-Dimeji Awosanya, 17-Henri Braham Stabnic, 23-Victor Blasco, 27-Alexander Ayo Akpan (19-Gabriel Diego Farrugia 74), 42-Rafael da Silva Floro, 80-Marcel Lima (11-Benjamin Hili 62) – Coach: Daryl Willard
REFEREE: Ezekiel Barbara
ASS. REFEREES: Luke Portelli, David Castillo
RABA’ UFF: Trustin Farrugia Cann
SKORERS: J. Busuttil 71 (B), F. H. Chouhab 75, T. Aldama 82 (GU)
AMMONITI: Z. Scerri, T. Espindola, L. C. Riascos (GU), T. Caruana, N. Pulis, B. Hili (B)
TKEĊĊA: M. Dias 37 (GU)
