Hamrun Spartans FC bi pjaċir ħabbru l-akkwist tal-midfielder Niġerjan, Jack Ipalibo.
Fi stqarrija Hamrun qalu: “Midfielder dinamiku u b’esperjenza, Jack jasal Malta wara li kkompeta f’livell għoli matul il-karriera tiegħu, u ġab miegħu enerġija, kwalità u versatilità fil-qalba tal-iskwadra tal-iSpartans.”
“Il-kapaċità tiegħu li jinfluwenza l-logħba kemm fil-fażijiet difensivi kif ukoll f’dawk tal-attakk se tipprovdi assi importanti hekk kif inkomplu nsaħħu t-tim tagħna għall-isfidi li ġejjin.”
“Ninsabu eċċitati li nilqgħu lil Jack fil-familja tal-iSpartans u nistennew bil-ħerqa li narawh fil-grawnd.”