Hamrun SpartanS ……..0
Gzira United ……………..1
Hamrun Spartans kabbru s-sensiela ta’ tliet telfiet konsekuttivi hekk kif sfaw megħluba minn Gzira United bl-iskor ta’ 1-0 proprju fl-aħħar azzjoni tal-partita.
L-ewwel azzjoni perikoluża waslet mill-Gżirjani b’xutt ta’ Maxuell Maia li Henry Bonello dawwar f’corner … li minnu l-istess Bonello ssejjaħ fl-azzjoni fuq tentattivi ta’ Bohrer Mentz u Riascos.
Fis-26 minuta, l-Ispartans ħolqu l-ewwel okkażjoni meta Mbong qassam lil Ceter iżda Colombo ħareġ u nterċetta il-ballun.
Fil-35 minuta, Ceter ġie mwaqqa’ b’kuntatt minimu fil-kaxxa, bl-uffiċjal Ezekiel Barbara jħalli l-logħob għaddej. L-azzjoni kompliet bi Bruno l-ewwel jolqot il-lasta u mbagħad id id-difensur Bohrer Mentz.
Il-coach Ħamruniż, Giacomo Modica, talab l-intervent tal-Football Video Support għall-foul fuq Ceter b’Barbara jikkonferma d-deċiżjoni meħuda wara li għamel ir-reviżjoni meħtieġa.
Fil-51 minuta, l-Ħamruniżi kellhom free-kick mid- distanza f’dik li kienet l-ewwel azzjoni ta’ nota fit-tieni taqsima. El Fasni nkariga ruħu mix-xutt b’Colombo jirnexxielu jsalva megħjun mill-mimduda.
Fil-61 minuta, l-Ispartans resqu viċin iżda Colombo salva d-daqqa ta’ ras ta’ Ederson Bruno.
Fid-69 minuta, is-sostitut tal-Maroons, Fabricio Silva Virgens, kien għoddu ħasad għal kollox lil Bonello iżda dan tal-aħħar dawwar f’corner.
Il-Gżirjani komplew jinsistu u din id-darba kien Bastic li xeħet cross-shot iżda sab lil Bonello attent.
Fil-71 minuta, Ħamrun irrispondew meta cross ta’ Compri wasal għand Jonny li niżżel il-ballun lil Ekeke bix-xutt ta’ dan tal-aħħar jispiċċa barra.
Minuta wara, kien hemm episodju għal Gżira United meta Silva Virgens sab lil Maxuell Maia żmarkat li mingħajr ebda problemi irnexxielu jegħleb lil Bonello u jitfa’ l-ballun fix-xibka.
Ir-referee Barbara mar jikkonsulta mal-Football Video Support wara li ġie msejjaħ biex jagħmel dan mir-raba’ uffiċjal, Philip Farrugia, wara preżunt foul ta’ Maxuell Maia fuq Rafael Compri. Barbara għażel li jħassar il-goal wara li rreveda l-azzjoni fuq l-FVS.
Fil-81 minuta, Ezekiel Barbara ġie msejjaħ mill-caoch ta’ Gzira, Darren Abdilla, wara li allegatament Ognjen Bjelicic ikkommetta foul fuq Andre Penha da Costa. Barbara ħareġ il-karta s-safra lis-Serb wara li għamel ir-reviżjonijiet meħtieġa.
Fil-95 minuta, Brooklyn Borg deher li ġie mwaqqa’ fil-kaxxa mid-difensuri Ħamruniżi biss Barbara ħalla l-logħob għaddej.
Fit-98 minuta, il-Gżirjani skorjaw il-goal tar-rebħ wara li Maxuell Maia rċieva ballun tajjeb ħafna mingħand Brooklyn Borg u wara ħarba ta’ madwar għoxrin metru, irnexxielu jegħleb lil Bonello biex ta t-tliet punti drammatiċi lill-Maroons fost il-ferħ tal-players sħabu u tal-partitarji.
L-aqwa player tal-logħba mogħti mill-ġurnalisti preżenti kien Andrew Borg ta’ Gzira United.
Hamrun S.: Henry Bonello, Rafael Compri, Sven Xerri, Matthew Guillaumier, Matias Garcia (65’ Blessing Ekeke), Joseph Mbong, Vincenzo Polito, Damir Ceter (65 Jonny Do Nascimento), Ognjen Bjelicic, Mouad El Fanis (80’Danilo Bulevardi), Ivan Inzoudine (13’ Ederson Bruno Domingos) – Coach: Giacomo Modica
Gzira U.: Edoardo Colombo, Gabriel Mentz Bohrer, Andrew Borg (89’ Dejan Farrugia), Maxuell Maia, Clayton Failla, Luis Carlos Riascos (46’ Fabricio Silva Virgens), Stasa Bastic (79’ Brooklyn Borg), Isemoli N’ Sa, David Xuereb (89’ Santiago Martinez), Johan Josue Bonilla (79’ Andre Penha da Costa), Mihajlo Stojanovic – Coach: Darren Abdilla
Referee: Ezekiel Barbara
assistenti: James Muscat, Vasil Vasilev
Raba’ Uff.: Philip Farrugia
Skorer: M. Maia 98 (GU)
Ammoniti: V. Polito, D. Valencia, O. Bjelicic (HS); A. Borg, L. Riascos (GU)
Player tal-Logħba: Andrew Borg (Gzira U.)