Raġel ta’ 67 sena residenti l-Ħamrun kellu jiddaħħal l-Isptar wara li aktar kmieni għall-ħabta tas-1:15 p.m kien involut f’inċident tat-traffiku fi Triq il-Mosta Ħal Lija.
Minn stħarriġ illi sar irriżulta li r-raġel kien qiegħed isuq mutur tal-għamla Honda AFS, tilef il-kontroll u waqa’.
Huwa ngħata l-għajnuna minn tim mediku, ittieħed l-isptar b’ambulanza u aktar tard ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.