Sunday, May 26, 2024

Hospice Malta tniedi t-telethon ta’ ġbir ta’ fondi “L-Aħħar Pass”

Il-flus miġbura se jintużaw biex jitlesta l-Kumpless ta’ St Michael Hospice

Aqra wkoll

Hospice Malta, NGO lokali ddedikata biex tipprovdi servizzi ta’ kura palljattiva b’xejn lill-pazjenti u lill-familji tagħhom ħabbret it-tnedija tat-telethon annwali tagħha ta’ ġbir ta’ fondi, bl-isem “L-Aħħar Pass”. Skedata għall-Ħadd, 7 ta’ Lulju 2024, mill-11:00 am sal-11:00 pm, it-telethon ta’ din is-sena għandha l-għan li tiġbor l-għotjiet mill-pubbliku biex jitlestew l-aħħar stadji tal-kumpless St Michael, bl-inawgurazzjoni mistennija ssir f’Settembru 2024.

It-telethon “L-Aħħar Pass” se tixxandar live għal 12-il siegħa direttament minn St Michael Hospice f’Santa Venera. It-telespettaturi jistgħu jsewgwu l-istazzjonijiet tat-televiżjoni lokali biex jesperjenzaw l-istejjer u l-intervisti li jixhdu l-impatt tas-servizzi ta’ Hospice Malta u l-importanza li jitlesta l-proġett ta’ St Michael Hospice.

L-aħħar stadji ta’ proġett li għandu “importanza nazzjonali”

St Michael Hospice, l-ewwel kumpless ta’ kura palljattiva f’Malta, jirrappreżenta pass trasformattiv fl-impenn ta’ 34 sena ta’ Hospice Malta għall-kura ħolistika. Il-kumpless se joffri faċilitajiet kruċjali għal in-patient u servizzi estiżi u b’hekk jiżgura appoġġ komprensiv għall-pazjenti u l-familji tagħhom li qegħdin jiffaċċjaw mard li jillimita l-ħajja.

Is-Sinjura Bernadette Bonnici Kind, Chairperson ta’ Hospice Malta, esprimiet gratitudni u enfasizzat is-sinifikat tat-tlestija ta’ St Michael Hospice. Hija ħeġġet lill-benefatturi, lill-komunità kummerċjali u lill-pubbliku biex jikkontribwixxu b’mod ġeneruż lejn dan il-proġett ta’ importanza nazzjonali.

Kenneth Delia, Kap Eżekuttiv ta’ Hospice Malta, saħaq li l-proġett ta’ St Michael Hospice qiegħed joqrob lejn l-aħħar stadji tiegħu ta’ tlestija. B’din l-infrastruttura f’postha, Hospice se tkun mgħammra biex takkomoda b’mod effiċjenti s-servizzi attwali tagħha filwaqt li toffri wkoll il-potenzjal ta’ espansjoni permezz tas-servizzi tagħha fil-komunità, servizzi ta’ matul il-jum kif ukoll servizzi in-patient.

Żieda kostanti għas-servizzi tal-Hospice Malta…
Fl-2023 laqgħu 900 pazjent ġdid u għenu 1,5000 familja

Minn informazzjoni li ta Delia jirriżulta li Hospice Malta qiegħda tesperjeenza żieda kostanti fid-domanda għas-servizzi tagħha. Fl-2023 laqgħu qrib 900 pazjent ġdid u qdew 1,500 familja. Spjega kif, “il-professjonisti ddedikati tagħna pprovdew kważi 37,000 sessjoni ta’ kura, appoġġjati minn aktar minn 11,000 siegħa ta’ volontarjat u kważi 27,000 siegħa ta’ kura fid-djar tal-pazjenti. Barra minnhekk, silfna aktar minn 2,500 tagħmir mediku essenzjali lil dawk fil-bżonn. It-telethon tagħtina r-rizorsi vitali biex inkomplu nappoġġaw lill-pazjenti u lill-familji tagħhom permezz ta’ servizzi ta’ kura paljattiva individwalizzata ta’ kwalità għolja.”

It-telethon ‘L-Aħħar Pass’ qiegħda tilqa’ donazzjonijiet permezz ta’ diversi mezzi, inklużi telefonati, SMS, pjattaformi online u pledges. Kull kontribuzzjoni tqarreb lil Hospice Malta biex twettaq il-missjoni tagħha u twettaq il-viżjoni ta’ St Michael Hospice.

Għal aktar informazzjoni u biex tagħti donazzjoni, żur www.hospicemalta.org

Dettalji għad-Donazzjonijiet:
CALL: €25 – 5180 2024 | €50 – 5190 2031
SMS: €11.65 – 5061 9234

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport