Il-Malta Football Association ħabbret li l-coach tat-team nazzjonali, it-Taljan Michele Marcolini, tneħħa minn din ir-responsabbiltá b’mod immedjat.
Id-deċiżjoni ttieħdet wara l-wirjiet riċenti tat-team nazzjonali fil-UEFA Nations League hekk kif tlifna kontra l-Moldova (2-0) u rbaħna kontra Andorra (1-0), biż-żewġ partiti jintlagħbu barra minn darna.
Il-kuntratt ta’ Marcolini kellu jintemm fil-31 ta’ Diċembru ta’ din is-sena.
L-assistant coach, Coach Davide Mandelli, ukoll tneħħa minn dmirijietu.
L-Assoċjazzjoni rringrazzjat liż-żewġ coaches għall-kontribut professjonali matul il-mandat tagħhom.
Il-Malta FA għandha toħroġ komunikat għall-post vakanti wara l-laqgħa li jmiss tal-Bord Eżekuttiv.
Taħt Marcolini, it-team Malti lagħab 16-il partita … kontra 12-il team … b’rekord ta’ tliet rebħiet, żewġ draws u 11-il telfa.
