Il-Konfederazzjoni tal-Futbol Brażiljan (CBF) qed tfittex kowċ ġdid wara t-tkeċċija ta’ Dorival Junior. L-isem l-iktar komuni fost il-gazzetti tal-pajjiż jibqa’ dak ta’ Carlo Ancelotti, iżda bħalissa l-kowċ ta’ Real Madrid tenna diversi drabi li huwa ffukat biss fuq dak li qed jiġri f’Estadio Santiago Bernabeu.
Fl-aħħar sigħat, l- eks plejer ta’ Inter u Real Madrid Ronaldo, tenna li l-aqwa soluzzjoni hi li l-klabb jieħu Pep Guardiola, li kif hu fatt magħruf qed jikkowċja lil Manchester City: isem diġà propost fil-passat meta l-Brażiljan ried jikkontesta għall-presidenza tas-CBF.
Wara t-Tazza tad-Dinja tal-Klabbs jista’ għalhekk ikun hemm spinta mill-Federazzjoni Brażiljana tal-Futbol sabiex ikollhom suċċessur denju għal Dorival.
