Il-Federazzjoni Franċiża tal-Football (FFF) irtirat l-appoġġ tagħha għal Gianni Infantino bħala President tal-FIFA, wara kontroversja dwar il-pjan tiegħu li jinbiegħu ishma f’kompetizzjonijiet tal-FIFA, inkluża t-Tazza tad-Dinja, lil investituri privati.
L-Ingilterra, l-Italja, l-Irlanda ta’ Fuq, ir-Repubblika tal-Irlanda, l-Iskozja u Wales kienu diġà rtiraw l-appoġġ tagħhom.
Il-proposta ta’ Infantino kkawżat reazzjoni qawwija internazzjonalment, tant li l-UEFA heddet li tibbojkottja l-kompetizzjonijiet tal-FIFA.
Il-UEFA, il-Konfederazzjoni tal-Football Asjatiku u CONCACAF talbu lil Infantino jwarrab, iżda għadu appoġġjat mill-CONMEBAOL u MILL-CAF.
Minkejja li Infantino abbanduna l-pjan tiegħu, il-FFF temmen li l-problemi tal-governanza tal-FIFA għadhom ma ġewx solvuti.
Għalhekk, il-federazzjoni Franċiża se tibda konsultazzjonijiet ma’ konfederazzjonijiet, assoċjazzjonijiet nazzjonali, players, partitarji u esperti.
L-għan huwa li jiġu proposti riformi kbar biex jerġgħu jinbnew il-fiduċja, tiżdied it-trasparenza u tiġi garantita l-indipendenza tal-FIFA.
