Il-familja, il-ħbieb u l-komunità tal-football Spanjola ngħaqdu flimkien nhar il-Ħamis f’Navahermosa biex jagħtu l-aħħar tislima lil Jesus de Miguel, l-attakkant ta’ CD Tenerife li miet fl-età ta’ 30 sena wara inċident waqt partita.
Għall-funeral attendew l-iskwadra kollha ta’ Tenerife, flimkien mal-coach tat-team nazzjonali Spanjol Luis de la Fuente, il-president ta’ Real Madrid Florentino Pérez u diversi uffiċjali għolja tal-football Spanjol.
Iċ-ċerimonja saret fil-knisja ta’ San Miguel Arcangel, minn fejn it-tebut inġarr lejn iċ-ċimiterju lokali fost folla kbira ta’ nies li nġabru biex jagħtuh l-aħħar tislima.
De Miguel tilef ħajtu nhar it-Tlieta wara li sofra arrest kardijaku wara ħabta mal-goalkeeper ta’ Andorra, Jesus Owono, waqt partita nhar it-Tnejn. Minkejja l-intervent immedjat tat-team mediku, huwa miet l-għada l-isptar.
Il-kunsill lokali ta’ Navahermosa ddikjara tlett ijiem ta’ luttu uffiċjali, filwaqt li l-football Spanjol kompla jsellem il-memorja tal-player b’diversi ġesti ta’ rispett.
