Il-poloz tal-kompetizzjoni ċ-Champion ta’ Malta 2026, organizzat mill-Malta Blackball Pool Federation (MBPF), issa ġew determinati, hekk kif 40 plejer se jkunu qed jikkompetu għal dan l-unur prestiġjuż.
Iċ-champion tas-sena l-oħra, Johan Attard, se jkun qed jiddefendi t-titlu tiegħu minn grupp kompetittiv, fejn se jiltaqa’ ma’ Lee Grima, Philip Coleiro, Leandro Mansueto u Brandon Bonnici.
Il-format ta’ din is-sena jipprovdi aktar opportunitajiet għall-plejers, hekk kif l-40 kompetitur ġew maqsuma fi tmien gruppi ta’ ħames plejers. Ir-rebbieħ ta’ kull grupp jgħaddi direttament għall-fażi tal-aħħar 16, filwaqt li dawk li jispiċċaw fit-tieni u t-tielet post ikomplu bi play-off.
Għal Attard, l-għan ewlieni se jkun li jibda d-difiża tat-titlu b’mod pożittiv u jikkwalifika mill-grupp. Madankollu, Lee Grima, Philip Coleiro, Leandro Mansueto u Brandon Bonnici żgur li se jkunu determinati li jħarbtu l-pjanijiet tiegħu.
Sadanittant dawn huma l-poloz kollha li telgħu:
Grupp A: Mevrick Zammit, Nick Muscat, Gabriel Vella, Kurt Pace, Jed Abela
Grupp B: Miguel Mizzi, Steven Muscat, Claudio Cassar, Denzel Falzon, Kevin Gambin
Grupp C: Wayne Pace, Nordai Desira, Kevin Schembri, Liam Mifsud, Philip Gatt
Grupp D: Gary Carr, Chaylon Castaldi, Ryan Pisani, Jonathan Farrugia, Darren Schembri
Grupp E: Clayton Castaldi, Neil Caruana, Ivan Rizzo, Jason Micallef, Kerstin Vella
Grupp F: Jason Mangion, Dielyn Edwards, Glenn Axiaq, George Caruana, Matthew Vella
Grupp G: Clint Azzopardi, Matthias Debono, Scott Muscat, Ephraim Calleja, Gilmoure Scicluna
Grupp H: Johan Attard, Lee Grima, Philip Coleiro, Leandro Mansueto, Brandon Bonnici
Il-kompetizzjoni tibda fit-2 ta’ Settembru u tintemm bil-finali fil-15 ta’ Settembru.
