Id-difensur ta’ Newcastle United, Amar Dedic, ġie interrogat mill-pulizija wara li nstab iġorr qaws u vleġeġ fil-kampanja ta’ Northumberland, fil-Grigal tal-Ingilterra.
Il-Bosnjan ta’ 24 sena kien akkumpanjat minn ħabib meta persuna mill-pubbliku rrappurtat li rat liż-żewġt irġiel iġorru dawn l-armi. Il-pulizija bagħtet diversi vetturi fuq il-post, fosthom unitajiet armati, u eventwalment waqqfithom f’Darras Hall, fejn ikkonfiskat it-tagħmir.
Kelliem għall-pulizija qal li l-qaws u l-vleġeġ kienu maħsuba għal skopijiet rikreattivi u li ma kien hemm ebda theddida għall-pubbliku.
L-investigazzjonijiet għadhom għaddejjin, iżda Newcastle mhumiex mistenni li tieħu passi dixxiplinarji kontra l-player.
