Iċ-champion il-ġdid tad-dinja tal-Formula 1, Kimi Antonelli, se jagħti ġieħ lill-leġġendarju sewwieq Brażiljan, Ayrton Senna, billi juża elmu ddisinjat apposta għall-Grand Prix ta’ Sao Paulo ta’ tmiem din il-ġimgħa.
Is-sewwieq ta’ Mercedes żvela elmu li fih il-kuluri nazzjonali tal-Brażil, bħala tifkira tal-35 anniversarju mir-rebħa memorabbli ta’ Senna f’Interlagos fl-1991, meta temm it-tiġrija minkejja li kellu l-gearbox mwaħħla fis-sitt gear.
Antonelli, ta’ 20 sena, kiseb l-ewwel titlu mondjali tiegħu fil-Messiku fi tmiem il-ġimgħa li għaddiet, u sar l-iżgħar champion fl-istorja tal-Formula 1.
It-Taljan dejjem ammira lil Senna u juża n-numru 12, l-istess numru li kien juża l-Brażiljan fl-istaġun tal-1988, meta rebaħ l-ewwel titlu mondjali tiegħu.
