Wara s-seduta inawgurali tal-ftuħ tas-sena forensi 2024-2025, il-Prim Imħallef ġie infurmat li dehru rapporti fil-media lokali li fuq ordni tiegħu ma tħallewx jidħlu fl-awla fejn saret is-seduta, fotografi u vidjografi ta’ djar tal-media lokali.
Jidher li kien hemm nuqqas ta’ komunikazzjoni, liema nuqqas wassal għal dak li seħħ u żgur ma kinitx l-intenzjoni tal-Prim Imħallef li jkun hemm tali projbizzjoni.
Fl-ebda sena, kemm ilu Prim Imħallef, ma saret xi projbizzjoni biex id-djar tal-media lokali jattendu għas-seduta u jieħdu ritratti jew filmati tas-seduta.
Dak li seħħ din is-sena kien frott ta’ żball ġenwin li għalih il-Prim Imħallef jibgħat l-apoloġija sinċiera tiegħu.