“12-il sena mingħajrek u ma tgħaddix ġurnata li ma nħossx in-nuqqas tiegħek. Ma tgħaddix ġurnata li ma nixtieqx li tkun miegħi biex tiggwidani jew biex nerġa’ nara dik it-tbissima tiegħek. Int teżor li se tibqa’ tibqa’ tgħix f’qalbna għal dejjem”.
Dan sostnih Jan Chircop, iben l-eks Membru Parlamentari Laburista Karl Chircop ftit tal-ħin ilu fuq il-profil tiegħu ta’ Facebook.
Karl Chircop, missier ta’ erbat itfal kien miet fl-età ta’ 43 sena fi sptar f’Londra. Huwa kien sofra emorraġija f’rasu u ġie ċċertifikat mejjet meta ntfew il-magni li kienu qegħdin iżommuh ħaj.