Wara l-gowl sabiħ li skorja fi tmiem il-ġimgħa li għaddiet kontra Empoli, Inter se jkunu qed iġeddu l-kuntratt tal-plejer tagħhom Federico Di Marco. Dan il-plejer sar ferm importanti għall-kowċ Simone Inzaghi u l-pjan hu li jiffirma sa Ġunju 2028.
Di Marco għandu 26 sena u jilgħab bħala winger fuq in-naħa xellugija tal-grawnd. Hu ilu man-Nerazzurri sa mis-sena 2018 fejn lagħab 78 partita u skorja seba’ gowls.
