Il-Ministru għall-Ugwaljanza u d-Drittijiet Ċivili Rosianne Cutajar irreaġixxiet għall-filmat irrappurtat minn MaltaToday, li fih tifel jidher jinsulenta raġel barrani u juża kliem razzist fuq karozza tal-linja mimlija passiġġieri.
F’messaġġ fuq il-midja soċjali, il-Ministru saħqet li kull persuna jistħoqqilha d-dinjità u r-rispett, irrispettivament mill-kulur tal-ġilda, in-nazzjonalità jew l-oriġini tagħha.
Cutajar enfasizzat li l-edukazzjoni kontra r-razziżmu għandha tibda mid-dar, filwaqt li fakkret li l-kliem ta’ mibegħda, inkluż dak razzjali, huwa reat kriminali.
