Is-sewwieqa tal-MotoGP jidhru dejjem aktar lesti li jikkompetu fil-Grand Prix tal-Qatar, li se jsir bejn is-6 u t-8 ta’ Novembru fiċ-ċirkwit ta’ Lusail, minkejja t-tħassib dwar is-sigurtà fil-Lvant Nofsani.
It-tellieqa kienet oriġinarjament skedata għal April iżda ġiet posposta minħabba l-kunflitt bejn l-Istati Uniti, l-Iżrael u l-Iran.
Skont rapporti, wara diskussjonijiet fil-Malasja, l-oppożizzjoni tas-sewwieqa naqset, għalkemm għad hemm min għandu r-riżervi tiegħu.
Huma talbu garanziji bil-miktub dwar evakwazzjoni f’każ ta’ emerġenza, assigurazzjoni u l-għeluq tal-ispazju tal-ajru.
L-organizzaturi jinsistu li ngħataw assigurazzjonijiet mill-awtoritajiet tal-Qatar u qed iħejju ruħhom biex it-tellieqa ssir skont il-programm.
