Lazio kisbu rebħa konvinċenti ta’ 3-0 kontra Lecce fi Stadio Olimpico biex komplew isaħħu l-pożizzjoni tagħhom fis-Serie A.
Tijjani Noslin kien il-protagonist ewlieni wara li skorja darbtejn. L-attakkant Olandiż fetaħ l-iskor fil-25 minuta b’daqqa ta’ ras wara cross ta’ Gustav Isaksen.
Noslin irdoppja fit-68 minuta wara azzjoni mibdija minn Kenneth Taylor, li qassamlu l-ballun bit-takkuna biex l-attakkant jikkonkludi b’xutt preċiż.
Davide Frattesi żied it-tielet goal fid-90 minuta biex issiġilla r-rebħa għal Lazio, li wrew superjorità matul il-partita kollha. Lecce ftit li xejn irnexxielhom jheddu lill-avversarji u ħarġu mill-kapitali Taljana mingħajr punti.





