L-Assoċjazzjoni tal-Football ta’ Iżrael se tressaq ilment uffiċjali quddiem il-UEFA kontra l-FAI u l-coach Irlandiż, Heimir Hallgrimsson.
Dan wara li f’Settembru Hallgrimsson qal li t-team tiegħu kien qed jilgħab “kontra l-ġenoċidju”, filwaqt li l-players Irlandiżi niżżlu rashom waqt l-innu nazzjonali Iżraeljan bħala protesta kontra l-operazzjonijiet militari f’Gaża.
L-Iżraeljani qed jakkużaw ukoll lill-Irlandiżi li ppolitiċizzaw l-isport u ttrattaw ħażin lill-ġurnalisti tagħhom.
Sadanittant, il-UEFA qed tinvestiga allegazzjonijiet ta’ mġiba razzista minn partitarji Iżraeljani. L-FAI qalet li r-reviżjoni tagħha dwar l-aħħar impenji internazzjonali għadha għaddejja.
