It-trasferiment propost ta’ Richarlison minn Tottenham lejn Vasco da Gama sfuma fix-xejn, hekk kif għadu mhux ċar x’se jkun il-futur tal-attakkant Brażiljan ta’ 29 sena. Tottenham kienu qablu ma’ Vasco dwar somma għar-ritorn tal-player lejn il-Brażil, iżda t-termini personali ħolqu ostaklu għall-ftehim.
Bis-suq tat-trasferimenti fil-Brażil għalaq il-Ġimgħa filgħaxija, issa Richarlison se jibqa’ ma’ Tottenham. Dan wara li l-mossa proposta ta’ £35 miljun lejn Everton f’jum l-għeluq tat-trasferimenti kienet waqgħet ukoll minħabba nuqqas ta’ qbil dwar it-termini personali.
Richarlison jinsab f’tilwima ma’ Spurs dwar id-disa’ xhur li fadal mill-kuntratt tiegħu u qed ifittex li jitterminah, filwaqt li Tottenham għandhom l-għażla li jestenduh b’sena oħra.
L-istaġun li għadda, Richarlison kien l-aqwa skorer ta’ Tottenham fil-Premier League bi 11-il goal.
Il-coach, Roberto de Zerbi, qal li l-player għadu importanti, iżda rrikonoxxa li l-aħħar 45 jum kienu kemmxejn kumplikati.
