Jidher ċar li Manchester United xejn m’huma kuntenti bil-wirjiet tal-gowlkiper tagħhom Andre Onana. Dan tal-aħħar ġie akkwistat mingħand Inter matul is-sajf li għadda, iżda wara sensiela ta’ paprati li għamel, hu diffiċli li d-diriġenti jibqgħu ħalqhom sieket.
Skont gazzetti Ingliżi, ir-Red Devils qed jevalwaw sew il-progress tal-gowlkiper ta’ Atletico Madrid Jan Oblak u ma tkunx xi ħaġa kbira li jmorru għalih f’Jannar li ġej.
