L-attakkant Ingliż Jesse Lingard jinsab fl-inkwiet mal-pulizija tal-Korea t’Isfel wara li nqabad isuq skuter elettriku mingħajr liċenzja. L-eks plejer ta’ Manchester United, Nottingham Forest, Derby County u West Ham United bħalissa jinsab fil-Korea t’Isfel jilgħab ma’ Seoul FC fejn minkejja kollox jinsab imweġġa’.
Lingard mar fuq il-profil soċjali tiegħu sabiex juri l-bravura tal-iskuter iżda ftit induna li l-pulizija raw kollox u minnufih marru jinterrogawh.