F-35 jet fighter Ingliż iġġarraf fil-baħar Mediterran waqt operazzjoni ta’ rutina.
Il-Ministeru tad-Difiża Ingliż qal li b’xorti t-tajba l-bdot irnexxielu joħroġ u reġa’ lura b’mod sigur abbord l-Aircraft carrier HMS Queen Elizabeth II filwaqt li qal ukoll li bdiet investigazzjoni dwar dan il-każ.
F’dan l-inċident ma kienux involuti ajruplani oħra.
Il-Ministeru tad-Difiża qal li ma jkunx xieraq li jikkummenta waqt l-investigazzjoni.
Hekk kif bdiet l-investigazzjoni rapporti internazzjonali qalu li din x’aktarx se tiffoka fuq il-possibiltà ta’ żball tekniku jew uman.
L-istess rapporti qalu li dan l-ajruplan jiswa mal-£100 miljun u huwa mifhum li għadu ma ġiex irkuprat.
