Keith Testa ta’ 22 sena tpoġġa taħt ordni ta’ probation wara li ammetta li kellu x’jaqsam sesswalment ma’ tfajla minorenni ta’ 14 -il sena. Il-Prosekuzzjoni spjegat li l-każ seħħ f’Ottubru tal-2020, meta kellu x’jaqsam sesswalment ma’ tfajla fil-karozza ta’ sieħbu fix-Xgħajra.
Il-Pulizija spjegat kif bdiet l-investigazzjoni wara li rċivew rapport mingħand omm it-tiifla, fejn spjegat lill-Pulizija li kien hemm xi messaġġi bejn it-tifla tagħha u bejn l-agressur.
Meta kien mistoqsi mill-Pulizija, Test ammetta u qal li kellu x’jaqsam darbtejn mat-tifla ġo karozza ta’ ħabib tiegħu fil-wied tax-Xgħajra bil-lejl. L-akkużat sostna mal-Pulizija li xejn ma sar konta l-volonta tagħha u li użaw il-protezzjoni.
Fil-Qorti, xehdet it-tfajla u qalet li hi u Keith kienu ħbieb u li wara tliet xhur bdew ir-relazzjoni tagħhom flimkien. Xehdet ukoll li meta bdew joħorġu flimkien kellhom x’jaqsmu sesswalment flimkien u li xejn ma sar mingħajr il-kunsens tagħha.
Fil-Qorti, xehdet ukoll l-omm, li qalet li kif saret taf li bintha qed toħroġ mal-akkużat marret tagħmel rapport l-għassa għax ma kellux joħroġ magħha.
Wara li semgħet is-sottomssjonijiet, il-Maġistrat Claire Stafrace Zammit qalet sabitu ħati. Meta ġiet biex ittih is-sentenza, hija qieset li meta seħħ l-att, il-ġuvni kellu 18 -il sena u li t-tfajla kellha 14 -il sena. Il-Qorti qieset ukoll il-fatt li l-att sesswali sar bil-kunsens tat-tnejn li huma.
Il-Maġistrat Stafrace Zammit poġġiet lil ġuvni, Keith Testa, taħt ordni ta’ probation għal tlett snin u ordnatlu jagħmel 60 siegħa xogħol fil-komunita. Il-Maġistrat għamlet ukoll talba lill-Kummissaju tal-Pulizija sabiex jinvestiga lill-akkużat sabiex jaa jekk hux qed jigdeb jew le.
Il-Prosekuzzjoni f’dan il-każ tmexxiet mill-Ispettur Dorianne Tabone u Melvin Zammit
