Nhar il-Ħamis ittellgħu l-poloz tar-round Preliminari u dak tal-Aħħar 32 tal-kompetizzjoni Meridianbet FA Trophy.
F’dan it-tlugħ, kien hemm it-timijiet kollha tal-VBET Malta Premier, tal-BOV Challenge League, kif ukoll l-erba’ semi-finalisti tal-BOV National Cup.
Il-logħbiet tar-round preliminari huma skedati għall-1 u t-2 ta’ Diċembru, filwaqt li dawk tar-Rawnd tal-Aħħar 32 se jintlagħbu bejn it-18 u l-20 ta’ Diċembru.
L-iskeda tal-fażijiet sussegwenti tal-kompetizzjoni hija din:
Round tal-Aħħar 16: 19-21 ta’ Jannar
Kwarti-finali: 2 u 3 ta’ Marzu
Semi-finali: 20 u 21 ta’ Marzu
Finali: 23 ta’ Mejju




