Fil-bidu ta’ din il-ġimgħa, il-winger internazzjonali Kolombjan Juan Guillermo Cuadrado ingħata ċ-ċittadinanza Taljana. Il-plejer li twieled fil-belt ta’ Necocli qal li ilu jilgħab fis-serie A Taljana sa mis-sena 2009 u dejjem ħassu komdu f’dan il-pajjiż. Eventwalment hu lagħab ukoll ma’ Lecce, Fiorentina sakemm wara esperjenza ma’ Chelsea irritorna ma’ Juventus u riċentement iffirma ma’ Inter.
Fil-profil tiegħu fuq Instagram, Cuadrado ġab ritratt qiegħed jiffirma d-dokumenti neċessarji sabiex jakkwista din iċ-ċittadinanza.
