Tuesday, February 27, 2024

Juventus jiffirmaw lil Carlos Alcaraz mingħand Southampton

Aqra wkoll

Juventus u Southampton iffinalizzaw il-ftehim għal Carlos Alcaraz, u kkonfermaw it-trasferiment tiegħu għal Turin. Le, dan il-player mhuwiex l-istess Carlos Alcaraz, it-tennista Spanjol li jġib l-istess isem u kunjom.

Intant il-midfielder 2Arġentin ta’ 21 sena ngħaqad mal-Bianconeri b’self ta’ sitt xhur b’valur ta’ €3.74 miljuni b’għażla ta’ xiri mehmuża, li tiswa madwar €49.14 miljuni. Huwa għamel l-eżami mediku f’Londra nhar l-Erbgħa waqt li kien qed jistenna li titlesta l-viża tiegħu.

Alcaraz ilu ma’ Southampton minn meta ngħaqad mingħand Racing Club f’Jannar tas-sena l-oħra, fejn skorja tmien goals u pprovda ħames assists f’47 dehra fil-kompetizzjonijiet kollha. Il-versatilità tattika tiegħu bla dubju se tkun kruċjali għal Massimiliano Allegri u s-sistema tiegħu f’Turin.

L-espert tat-trasferimenti, Fabrizio Romano, jirrapporta li Juventus u Southampton lestew it-trasferiment ta’ Alcaraz, u ffirmaw id-dokumenti meħtieġa. Il-player ta’ 21 sena diġà ffirma l-kuntratt tiegħu mal-Bianconeri u proprju lbieraħ filgħaxija wasal fl-Italja.

Milan u Inter kienu interessati li jiffirmaw lill-Arġentin is-sena l-oħra qabel ma ċċaqlaq lejn Southampton, iżda l-offerti tagħhom ma ġewx aċċettati.

Ekonomija

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport