Erba’ minn ħames plejers li qed jieħdu sehem fil-Kampjonat Ewropew tas-Snooker tas-Seniors Individwali li qed isir f’Sofia, fil-Bulgarija, il-Ħamis jikkwalifikaw għal fażi tan-knockout. Fit-tieni jum ta’ kompetizzjoni Malta sofriet telfa waħda biss minn sitt logħbiet.
Fil-kategorija ta’ -il fuq minn 40 sena, ż-żewġ Maltin plejers Maltin, Alex Borg u Philip Ciantar rebħu l-konfronti tagħhom biex barra li kkwalifikaw rebħu l-grupp ukoll u għaddew għar-rawnd tal-aħħar 32.
Borg lagħab żewġ logħbiet, kmieni għeleb lill-Belġjan, Patrick Geysels, 3-1 bil-punteġġi ta’ 68-53, 57-34, 30-56, 66-28 u aktar tard b’istess skor rebaħ lil Gavin Colcombe ta’ Wales, 61-52, 62-54, 34-59, 63-14.
Ciantar fl-uniku logħba li lagħab rebaħ, 3-1, kontra Darryl James ta’ Wales, 71-7, 61-70, 63-49, 58-47.
Fil-kategorija ta’ -il fuq minn 55 sena, France Mintoff li kien diġà kkwalifika fl-ewwel jum, rebaħ l-aħħar logħba tiegħu u spiċċa l-ewwel fil-grupp. Huwa għeleb lil lill-Belġjan, Eddy Kinderemans, 3-0 bil-punteġġi ta’ 74-48, 82-29, 47-37. Mintoff għadda direttament għar-rawnd tal-aħħar 16.
Ivan Attard li kien diġà eliminat rebaħ l-aħħar konfront tiegħu 3-1 kontra avversarju mill-Irlanda, Paul Arnold, 74-48, 82-29, 47-37 filwaqt li Emanuel Mallia minkejja li tilef kontra John Breeze ta’ Wales xorta kkwalifika għal fażi li jmiss però fir-rawnd li jmiss rrid jilgħab logħba preliminari biex jgħaddi mal-aħħar 16. Huwa tilef l-aħħar konfront tal-grupp, 3-1 (58-51, 55-63, 38-58, 22-56).
Il-Ġimgħa, il-ħames tal-plejers Maltin li kkwalifikaw għal fażi tan-knockout ser jilgħabu hekk:
| 09:00 | O/40 l-aħħar 32 | Alex Borg | vs | Darryl James (Wales) |
| 09:00 | O/40 l-aħħar 32 | Philip Ciantar | vs | Miro Popovic (Ġermanja) |
| 09:00 | O/55 preliminari | Emanuel Mallia | vs | Peter Varga (Ungerija) |
| 11:00 | O/55 l-aħħar 16 | France Mintoff | vs | John Breeze (Wales) |
| *Ħin ta’ Malta | ||||
