Karim Benzema jidher li qed jimxi fuq il-passi ta’ Jordan Henderson għall-ewwel darba fil-karriera tiegħu, bl-attakkant Franċiż huwa rappurtat li ddispjaċih li ngħaqad ma’ Al-Ittihad sitt xhur biss wara. Benzema allegatament irid jirritorna fil-football Ewropew.
Il-player ta’ 36 sena s’issa għadu ma gawdiex il-ħin tiegħu, u r-relazzjonijiet mal-club Sawdi jinsabu qrib kollass. Tilwima mal-manager Nuno Espirito Santo rat lill-Portugiż jitkeċċa minn Al-Ittihad, iżda dan ma waqqafx lil Benzema jiġi abbużat għan-nuqqas ta’ sforz tiegħu fuq il-mezzi soċjali. Dan minkejja li skorja 12-il goal u ta 5 assists fl-20 dehra tiegħu.
Madankollu, wara li falla t-taħriġ f’Diċembru, Benzema lanqas irritorna għal dak ta’ qabel l-istaġun. Jingħad ukoll li ġew irranġati taħditiet mad-direttur sportiv ġdid, Ramon Planes, biex jiddiskuti l-ħruġ tiegħu mill-club.
Il-media Spanjola kkonfermat li Benzema jrid jirritorna fil-football Ewropew, iżda tgħid li mhux se jkun ma’ Real Madrid – Los Blancos għalqu l-bibien għal kwalunkwe ritorn potenzjali.
It-tieni l-aqwa skorer fl-istorja ta’ Real Madrid, Benzema jidher ċar li għad għandu l-kwalità biex jilgħab ma’ club ieħor ta’ kalibru sitt xhur biss wara l-ħruġ tiegħu.
Madankollu, bil-kwistjonijiet ta’ injury qed jiżdiedu fl-aħħar żewġ staġuni tiegħu hemmhekk, se jkun interessanti li wieħed jara jekk club ieħor kbir huwiex lest li jgħaddi ċ-ċwievet tal-attakk tiegħu lil Benzema, jew jekk hux se jkun sfurzat jinżel livell. Kwalunkwe club li jiffirmah ikun konxju li hija għażla għal żmien qasir.
