Mara ta’ 46 sena residenti l-Għargħur tista’ tgħoddha b’waħda wara li aktar kmieni għall-ħabta tal-4:00 p.m kienet involuta f’inċident tat-traffiku.
L-inċident seħħ fi Triq il-Buskett fir-Rabat meta għal xi raġuni l-mara tilfet il-kontroll tal-karozza Kia Sportage li kienet qiegħda ssuq, qabdet ċint u nqalbet.
Fil-post issejjaħ tim mediku, iżda fortunatament ma kienx hemm persuni li sofrew ġrieħi.
It-triq kellha tingħalaq għat-traffiku għal xi ħin sakemm il-pulizija kompliet bl-investigazzjonijiet tagħha.
