Il-gowlkiper internazzjonali Daniż Kasper Schmeichel jinsab pass biss bogħod sabiex isib tim ġdid ma’ min jilgħab. Wara li għal dawn l-aħħar ġimgħat hu kien aġent ħieles mingħajr ebda rabta ma’ xi klabb jew ieħor, il-gowlkiper ta’ 36 sena qed jiġi mfittex minn Anderlecht fil-Belġju.
Schmeichel sal-istaġun li għadda kien plejer ta’ Nice, għalkemm bi ftehim amikevoli l-kuntratt tiegħu ġie xolt. Hu laħaq lagħab 46 partita bejn Ligue 1, Tazza Franċiża u UEFA Europa Conference League.
