Kevin De Bruyne jista’ jtemm l-esperjenza tiegħu ma’ Napoli matul it-tieqa tat-trasferimenti ta’ Jannar, 18-il xahar biss wara li ngħaqad mal-club Taljan mingħand Manchester City.
Il-futur tal-midfielder Belġjan jinsab inċert hekk kif qed jiżdiedu l-ispekulazzjonijiet dwar il-possibbiltà li jitlaq. PSV Eindhoven qed jissemmew bħala wieħed mill-clubs interessati fis-servizzi tiegħu, filwaqt li Everton ukoll qed isegwu s-sitwazzjoni tiegħu.
De Bruyne ngħaqad ma’ Napoli mingħajr ħlas fis-sajf tal-2025 wara għaxar snin ma’ Manchester City. Madankollu, l-ewwel esperjenza tiegħu fl-Italja kienet affettwata minn injury serja fil-hamstring u diffikultajiet biex jadatta.
Minkejja dan, għadu mhux ċert jekk Napoli humiex se jħalluh jitlaq f’Jannar jew iżommuh sal-aħħar tal-istaġun.
