L-attakkant Ġermaniż Younes Ebnoutalib żvela li fl-età ta’ 20 sena kien qed jikkunsidra bis-serjetà li jtemm il-karriera tiegħu fil-football wara esperjenza diffiċli fl-Italja ma’ Perugia.
Il-player ta’ 23 sena spjega li kien qed jgħix f’kundizzjonijiet diffiċli, f’akkomodazzjoni maqsuma ma’ 10 persuni oħra.
Madankollu, iddeċieda li ma jaqtax qalbu u rritorna l-Ġermanja, fejn ingħaqad ma’ FC Giessen fir-raba’ diviżjoni.
Il-prestazzjonijiet tiegħu wassluh għand SV Elversberg u eventwalment ma’ Eintracht Frankfurt f’Jannar 2026.
Iż-żieda tiegħu kompliet tant li kiseb ukoll l-ewwel sejħa mat-team nazzjonali Ġermaniż.
