Friday, May 24, 2024

Kickboxers mill-MCSA jikkompetu fil-Kampjonat Ewropew f’San Marino

Aqra wkoll

Tim ta’ kickboxers mill-Malta Combat Sport Association, taħt l-umbrella tal-għalliema tal-“Wu Shu Ky Kickboxing club” Alan Borg, Wayne Camilleri u Robert Cassar ikkompetew fil-Kampjonat Ewropew li sar f’San Marino.

B’determinazzjoni u ħila, huma rrappreżentaw lil Malta fix-xena internazzjonali, u wrew it-talent u r-reżiljenza tagħhom.

Minkejja kompetizzjoni ħarxa, Team Malta kiseb postijiet fuq il-podju, u ġabu kburija u glorja lin-nazzjon tagħhom.

Il-ħidma f’tim huwa kruċjali biex tinkiseb esperjenza f’dawn il-Kampjonati Ewropej.

Is-suċċess tagħhom mhux biss enfasizza l-ħila tagħhom fl-isport iżda wkoll ta spinta lit-turiżmu sportiv, u ġibed l-attenzjoni lejn il-kisbiet atletiċi ta’ Malta.

Grati għall-appoġġ tal-Ministru tat-Turiżmu l-Onor. Clayton Bartolo u tal-kumitat ta’ VisitMalta li emmnu fil-potenzjal tagħhom, it-tim wera li b’ħidma f’tim u dedikazzjoni, setgħu jpoġġu n-nazzjon tagħhom fuq il-mappa fid-dinja tal-kickboxing.

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport